Louise 隔左幾日想比返個好評你 哈哈❤️
多謝你果日我化妝我好鐘意個妝呀🙈
啲朋友一見到我都話唔似好厚妝
眼睫毛又好自然😭😭
頭髮個陰完全係我想要嘅野😭😭😭

成個過程感受到你完完全全想為新娘好
見到我緊張就問我有咩可以幫到我
仲話幫我拎早餐😭咁盡責技術又咁好嘅化妝姐姐真係太好了
希望我當日無待薄到你，
老公同當日嘅姐妹都讚你覺得你好好
如果我身邊有朋友結婚我都會介紹你比佢地！❤️
祝你客似雲來，同遇到嘅客都係好客，仲有祝你每次出job都有熱飯食😭

Louise，我衷心感激，超級超級多謝你，你真係好好，好到我唔識形容，一開頭要搵新娘化妝時，我第一個諗到既人就係你，雖然我地讀書時唔熟，淨係知道你做化妝師，所以就target左要搵你幫手。

直到同你傾電話，你比左好多好多意見我，教我有咩要留意，有咩要準備，之後上黎試妝，過程中似聚舊多啲，好喜歡你既性格，發現原來我地都係唔講野唔得既人 3

去到big day之前，我仲有好多問題，諗唔通既地方，連接新娘既遊戲都係全靠有你既idea，比左超多非常岩用既意見，幫我逐一擊破所有疑難，令到我好放心

去到Big Day當日，你真係好正，我既所有想法你都幫我一一實現，化得我好靚，提供好多情緒價值©，我之前從無準備愛的宣言、上台感言要講咩，你都可以即刻提我要點講，除左化妝你仲要身兼多職，一眼關七，做埋攝影拍片剪片，照顧我之餘仲照顧埋我既姊妹、屋企人，點解世界上咁好既人，我而家打字都眼濕濕

再一次多謝你，好多謝你係我生命中最重要既時候同我一齊經過，度過左一個好難忘既婚禮，感激遇到你但再一次多謝你，好多謝你係我生命中最重要既時候同我一齊經過，度過左一個好難忘既婚禮，感激遇到你

Big Day過左一星期，終於有時間寫返好評比你😃呢一個星期，不斷見返d親戚朋友，都有講返當日妝髮真係好靚，每一個髮型都好襯每條裙，對於平時唔點化妝既我黎講，佢哋都話原來我化咗妝可以咁靚😂 有d我出場既畫面，佢地都哇左出黎

年幾前，我試妝既時候就已經覺得你非常專業和細心，我又大細眼、高低眉，笑起來又會皺眉頭。雖然我覺得呢d細節唔太重要，但你非常執著地幫我調整到完美的妝容。所以當日就決定confirm左big day搵你😘

婚禮當日，非常感激有你。你好貼身，一有時間就會攝出黎幫我同老公補妝 😂😂 我係台上影相影到攰自己唔覺，你又會用眼神同body language 提醒我管理表情同擺返好姿勢；March in 前我好緊張，自己個speech 又亂晒，但你會同我講野，令我放鬆心情，重新整理好要講既野💝😊

真心感謝你係big day當日細心照顧同靚靚妝髮🥰令我好有自信咁靚左一日🥰 希望你都幸福快樂，生意興隆，客似雲來，幫到更多新娘子有一個靚靚既big day 💝

由我知道大概結婚日子嘅時候我就 立即 狗衝 搵Louise約期
我搵佢嘅決心大概就係佢無期我連婚都可以唔結住
幸好個排未開放返疫情限制就算好日子都唔多人Booking 我先Book到Louise
（依排我再推薦Louise 俾啲fd 去試妝都開始無期啦）

其實一直都知佢化妝做咗好耐又好多好但係真係搵佢做我化妝師 我先知
佢真係一個120%全力去為新娘子好嘅化妝師

試妝會問清楚你想要咩Style
俾晒reference 佢可以幫你設計
大婚日子前仲會幫關心你著咩裙幫你襯首飾

Msg 話你知結婚前有咩需要做去令你個日變靚靚
染咩髮色有晒Reference
同你整咩頭嘅款 用咩首飾 邊個妝襯邊套衫
逐一列出 非常清晰同可靠

大婚日子幫手著裙 幫手影下相
隨時係你身邊出現幫你補妝

如果有姊妹親戚化妝師
仲會幫你計好晒要幾多人幾時黎
最重要係Louise 搵嘅化妝師佢哋都化得好好！

當日我班姊妹同媽媽奶奶都好靚
其實我哋兩個互相望住對方成長
真係搵佢做嘢都係第一次

老實講有Louise參與呢個婚禮先算圓滿我好慶幸有佢係到陪我出嫁简向令我好安心好放心 仲要好滿意！！

我post嘅呢個look係我好少做嘅style
好開心Louise搵咗另一面嘅我原來扎包包頭都咁靚咁型
放晒手俾佢做我Stylist真係無選擇錯
嚟緊佢會Post我婚禮嘅造型
想睇多啲就去 Follow @louise.c.makeup 啦！
想試妝都記得快手去book啦

揀左你做第一次試妝，試完之後已經冇考慮再試其他人。一來我係一個唔鍾意左試右試嘅人，二來我係要搵一個同我夾，了解我想要咩嘅人🙌🏻 喺試妝嘅過程中，我就搵到你啦

我哋莫名其妙嘅話題投契，成個過程好愉快，同埋比到一個 “放心“ 嘅信心我☺️

由開始到我 BIG DAY👰🏻🤵🏻，
你一直都照顧我比意見我配合我想要嘅妝同髮型，好多謝你🫰🏻🫰🏻

BIG DAY👰🏻當日感恩藍天白雲陽光好天氣☀️☀️
一切順利🙌🏻🙌🏻

由早上開始到完成整過婚禮，
感謝你&同事嘅幫助，你哋嘅細心令我好放心好有安全感🥹🥹

完成整個化妝同穿上婚紗後👰🏻 這個就是我想要的自己😍😍好鐘意👏🏻👏🏻

LOUISE 你每個細心位都令我好窩心🫶🏻🫶🏻

你幫我 SETTLE 曬所有嘢之後，我知道你會不在會場了，但當我敬茶時你突然出現在我眼前，幫我弄弄頭髮，幫我整整裙子，幫我哋影相等等…呢啲細微位令我好窩心🫰🏻🫰🏻

唔知你仲記唔記得…我同賓客合照時間，我突然見到你，我好 SURPRISE😲😲仲問點解嘅…點解你喺度嘅…😭我真係好感動😭 多謝你由頭到尾嘅照顧，多謝你將我變做靚靚公主👰🏻😘😘

“大大推介Louise 真係一個100分用心的化妝師

Big Day前會做好文件propose襯唔同婚紗/晚裝的髮型裝飾最後出黎效果全部都好好睇好中意！！

做過幾次姊妹 通常化妝師都坐喺側邊/新娘房等有需要再補妝！

但Big Day當日有你全日望住我個樣 妝頭一唔妥會撲埋黎救我又會不停比提示比信心我影相勁安心

仲要帶埋私伙相機幫我地影啲相真係勁靚囉
（仲要仲要 勁啱傾)

明明晚宴完可以放工 咁啱我入返新娘房換便服。

幫我換左成日衫嘅你 都忍唔住要極速幫我換埋先走 冇計OT錢（可能見我手腳太慢）

從未見過一個化妝師好似你咁全日都咁用心上心 幸運遇上你

呢啲對工作的上心、對客人的真心、比客人的安心, 真係好令人感動

慶幸遇上你！大力推介比所有朋友

多謝你由pw 同bd 都化到我咁靚❤️
全日都跟得好好，勁照顧我又成日好開心活潑令我輕鬆左好多無咁緊張🥹 有你係度係勁安心

個妝真係好鬼靚😚 食完個飯番去都仲係好靚keep 得好好！又盡量係有限時間幫我轉妝頭完成我既小願望，
多謝你～～

雖然我就無狂喊，不過Rico 個妝係有真防水認證🤡🤡🤡❤️hehehehe 辛苦哂你啦

Love you😍😍😍超級感謝你💕
有你真係好幸福❤️
你好犀利，全能化妝師😳
大癲，琴日俾你化完big day妝後，d皮膚敏感今日好返哂，有撻鞋鞋地嘅眼皮仲要平滑左，成塊面素顏嘅狀態係比化妝前好🤣😍

多謝你尋日咁用心幫我😊貼心照顧我🤩
我會介紹我啲朋友俾你㗎😚😚
以後有機會我都會搵返你❣️Love you
我老公呢個咁麻木嘅人都話你好有心🤣
佢好少讚人🤣

如何劈掉重鍊又唔會變左另一個連自己都認唔到自己既人！一切都係歸功於我既化妝師

Louise又會比好多意見我真係非常盡責，
結婚個日個個妝我真係非常滿意！

就好似發咗場夢咁，
無諗過自己會由著褂已經喊到變豬頭
特別嗚謝Louise一早4:30am就為我打點一切
無你就無一個喊到瀑布咁都唔溶嘅妝！

多謝你既貼心😘今日真係好多謝你呀
係因為有你化到我咁靚
我一喊就唔知點算好 😭😭
好似開水喉咁 一見到耐冇見既就喊了
我就企左係原地 🥲
之後慢慢咁行去搵你😕
真係好感謝🙏你

雖然我地識左唔耐
但我一見到你就好安心🥰🥰

Louise今日好多謝你呀，個妝我好鍾意😊化到我好靚，咁大個女都未見過自己咁靚㗎🫢都係多得你咋！由試完妝，已經好放心咁將自己個妝交俾你，你真係一個好用心嘅化妝師，由頭跟到落尾，每一part都做到非常完美👍🏻祝你生意興隆呀，如果我有friend需要，我都一定會介紹你俾佢地❤️❤️

真係超多謝你
今日先會感順利同埋個個今日都讚我靚

由其是個皇冠勁閃閃
加上你得閒又會幫我啲姊妹同媽媽執執補補

辛苦曬你簡直係如來神筆呀

今日真係好多謝你 你幫左我好多又不停安慰我
我係啲看似好堅強但實際好驚青既人
我好唔中意plan 左既野俾人打亂 所以你見我成日間時間 overrun小小又亂曬龍感好彩最後一段路有你陪住我♥多謝你

上個禮拜日都未真係多謝你 依家多謝翻你先🤣🤣 好好彩遇到你 試妝同big day都超級細心 我條眉唔聽話又超有耐性畫完再畫 務求令我最滿意為止😆 之後影相又會keep住望住我睇下個妝有無花到 等我個妝可以keep住100分🤣 總之就超級多謝你啦🥹🥹🥹

Louise今日都冇時間，
多謝你幫我化左一個唔會溶既妝
好黐線啊😂😂今日個個都話我似公仔🧸
多得你又由頭到尾都好take care我安撫我緊張的心靈😂
辛苦你啦❤️
我緊張到唔記得俾利是你 🤣
我再轉交比你同皇冠👑
祝生意興隆😘😘

多謝 Louise

Big day 當日一早就黎到酒店幫手化妝，成個過程非常細心同埋好歡樂，亦都將我真係化得好好睇，好滿意，皮膚透亮乾淨，個人都精神得黎仍然睇得出係我，唔會話太濃都好開心 Louise 無論咩情況都堅持繼我打扮得靚靚先出去，我睇返直播d片同埋相，都好滿意自己嘅狀態，特別係大風之下仍然屹立不倒嘅妝髮

多謝你

“Louise🙏🏻🥹😊 我真係好衷心多謝你，你令到我好安心，好開心過左一日，同你傾偈好開心，好多時我都想放棄既野好似隻耳環，你仲堅持過我要整好佢🥹🥹🥹

痴線架🥹🥹🥹

仲未計你啲手藝，我都唔知比人讚左幾次，個頭個妝仲有個胸😂 真係衷心好多謝你陪左我一日❤️❤️❤️❤️祝你生意興隆，但都要保重身體唔好捱壞 ，記得要食野🥰多謝你，有機會既話跟你學化妝啊🫶🏻我感到深深既感恩 遇上你🥹所以想再同你講多次😂😂真 夾得開心大家都係咁開心回憶”

緣份嘅嘢真係好奇妙，同你算係識於微時，唔知點解又一直有留意你Facebook，plan結婚果時好早已經萌生想搵你化妝嘅念頭，到試完妝交換電話，發現電話竟然仲有對方電話號碼嘅紀錄個妝真係化得好靚呀！拿呢樣係估計到嘅
估唔到嘅係你影相都咁靚大家結婚化妝記得搵Louise
你都好正，我媽同我奶奶都不約而同話你好細心幫我睇住成個樣

最搞笑係我奶奶應該幾鐘意你同事化個妝同埋我契妹（綠色短頭髮）都好鐘意當日個髮型，簡單得嚟好睇 個眼妝真係好靚 我覺得係靚得嚟好自然呢個先至最重要我舅母都讚你化得靚，佢話最緊要係化完之後唔會變左第二個人，靚得嚟自然

好正呀你真係😍😍
真係超級多謝你果日捱住牙痛都幫我化左好靚好靚嘅妝
等我可以做一日嘅女神呀❤️❤️
早兩日化完妝，老公都問我係咪向你偷師😂😂
真係非常欣賞你嘅責任心、敬業樂業嘅精神呀❤️

Louise真係好多謝你幫我化左咁靚既妝

我唔識化妝好多野都唔知要點樣先化得靚所以有你係到真係好放心
你好好見我喊到7彩都肯幫我處理個妝
個妝真係好掂
我會瘋狂將你介紹比我啲朋友
你真係太好我詞窮
我唔識用咩形容詞去多謝你
Matthew都話你好好，真係好專業

Annabel & Roy

多謝你呀，Louise
今日全靠你，我先可以咁靚你嘅專業，令我感到滿滿嘅安全感

你除咗化妝化得好好，好細心，好仔細，亦都好照顧我，時間控制做得好好，亦都俾咗好多讚美嘅說話我，令到我更加有自信，同埋相信所有嘢都已經安排妥當，開開心享受成個婚禮派對

感謝成個婚禮裏便你都好緊張我有啲咩都留意到我，關懷備至個妝keep得好到我afterparty之後返到屋企完全冇溶妝，個頭髪仲係咁靚

Louise一定要打返啲多謝說話比你！！好好好多謝你由開始知我想調整個妝都按我嘅喜好化咗個我好滿意嘅妝頭同埋造型

全日幾個look都好鍾意好靚！我好擔心我嘅皮膚狀態出嚟嘅效果唔靚，有你嘅手勢完全冇問題！！即刻唔擔心 好放心交比你！！

幾次化妝都睇得出你好有經驗，好細心同埋會分享好多你化妝同埋護膚嘅經驗俾我知，幫我改善我嘅皮膚狀況。臨結婚前都會留意住我嘅皮膚狀態同埋比建議我心全日都好留意住我妝嘅狀態，會成日留意住會幫我即時補妝，又會關心我肚唔肚餓、隻眼乾唔乾、有冇唔舒服等等 辛苦你肚餓又陪我哋趕流程就真

去到晚宴都陪咗我成程咁濟，幫我調整妝頭，幾個look我都好鍾意！！老公同埋親朋戚友都係咁讚話好靚、，唔單止顧我，見到我啲姊妹有需要都幫佢哋，呢啲真係extra work

你都無介意含多謝你令我係Big Day做個靚靚嘅新娘

Big Day交比你真係好掂 祝你工作順利！身體健康！

多謝化妝師 @louise.c.makeup

幫我set頭化妝
佢set嘅頭都好靚

化妝大家互相溝通出嚟嘅效果都好滿意
佢仲好細心，咁keep住幫我補妝，食晒啲唇膏，佢都keep住幫我補，連我手指拗下痕佢都發現超級細心

仲幫我影咗啲好靚嘅snap shoto
跟足全程 醉咗返酒店 仲要幫我落埋妝先至走響邊度搵呀，要結婚嘅朋友可以搵佢100萬個讚

多謝你幫我婚禮準備咁多頭飾同化妝多謝你俾咗咁多意見我

選擇困難症發作時幫我揀到合適嘅令到頭髮設計同裝都好滿意辛苦晒要你半夜三點到酒店幫我ready辛苦你了小小心意

Louiseee！

由試妝果刻感受到你嘅細心

到Bigday大日子好放心交俾你，令我成為全揚最美麗的新娘子，我同Chris既婚禮順利完成啦

當你化完妝果一刻 我好中意，就知我無揀錯人

多謝你好用心咁幫我化左咁靚既妝我既要求你都一一幫我完成

拯救埋我嘅萬年黑眼圈，仲要照顧埋我既情緒

琴日收穫咗好多句 靚靚新娘子，最緊係要credit 我既化妝師：Louise BB

好感恩你做我婚禮的化妝師謝謝你的Advice及即時回覆我的queries 又好用心地做婚禮的化妝 &set頭的document

多謝你幫我化咗個靚靚嘅妝同埋造型，我好鍾意你每一個幫我做嘅造型呀

Thank you你是試妝時十分細心，又俾好多選擇我試，可以試到一個意想不到的組合，又提供勁多飾品俾我揀，選擇困難症的我簡直花多眼亂，不過你都好有耐心俾意見我，謝謝Big day交晒俾你幫我打點，謝謝

你今日好細心呀又好好人，跟得好仔細

好開心你做我BigDay嘅MUA，今日辛苦你啦！婚前確認細節你都細心回應讓人十分安心試妝時也感覺到你是個認真細心的

人，今日靠你將我化得靚靚♥感謝您祝工作順利

好開心搵咗你幫我化妝

你好細心俾咗好多意見我，我比教麻煩 成日都搵你問各種問題你都會好有耐心解答我，同做埋我心理輔導

thank you for everything Louise

再一次多謝你，多得有你我今日先可以咁靚靚

Louise，今日辛苦你啦。一多謝你琴晚睇住我張相諗左咁耐，今日幫我化左個咁靚既妝同頭！

試妝已經覺得好靚，點知今日仲靚！！個水光肌真係識發光咁“望到都開心呀

試妝當日覺得好細心，又你完美主義者，好放心將我嘅BigDay交俾妳！

多謝妳、俾左好多護膚靚靚建議我！辛苦妳晨咁早起身！

祝妳工作順利！製造更多靚靚新娘~
今日多謝加辛苦你 好好休息

多謝你將我變靚靚，十分欣賞你既專業，十級信仼，由試妝個日都已經放心直接將個人交畀你，祝你青春常駐，生意興隆❤️